امریکا کے معروف پروفیشنل ریسلر ہلک ہوگن کے انتقال پر امریکا کے صدر ڈونلڈ ٹرمپ نے دکھ کا اظہار کیا ہے۔اپنے سماجی رابطے کے پلیٹ فارم ٹروتھ سوشل پر اپنے بیان میں ٹرمپ نے کہا کہ ہم نے ایک اچھے دوست کو کھودیا ہلک ہوگن صحیح معنوں میں میگا کے حامی تھے۔امریکی صدر نے مزید کہا کہ ہلک ہوگن کی اہلیہ اسکائی اور اہلِ خانہ سے تعزیت کرتا ہوں ہلک ہوگن کو ہمیشہ یاد رکھا جائے گا۔امریکی صدر نے لکھا کہ ہلک ہوگن نے ریپبلکن نیشنل کنونشن میں بھی شاندار تقریر کی تھی انہوں نے دنیا بھر کے مداحوں کو محظوظ کیا اور اُن کا ثقافتی اثر بے حد وسیع تھا۔ٹرمپ نے کہا کہ ہلک ہوگن کو ہمیشہ یاد رکھا جائے گا۔واضح رہے کہ لیجنڈ ریسلر کا انتقال فلوریڈا میں ان کی رہائش گاہ پر دل کا دورہ پڑنے کے باعث ہوا۔
