پورٹ قاسم گیٹ نمبر 2 کے قریب تیز رفتار ٹرالر نے موٹر سائیکل سوار کو نوجوان کو کچل دیا۔ ناردرن بائی پاس پر دو ٹرک کے تصادم میں ایک شخص جاں بحق دو زخمی ہوگئے۔ جاں بحق شخص کی شناخت یحییٰ کے نام سے ہوئی متوفی لیاقت آباد کا رہائشی تھا لاش کو اسپتال منتقل کر دیا گیا۔پولیس نے بتایا کہ حادثے کا ذمہ دار ٹرالر ڈرائیور فرار ہوگیا ٹرالر کو تحویل میں لے کر تھانے منتقل کر دیا گیا مزید تفتیش جاری ہے۔ایک اور حادثے میں کورنگی مہران ٹاؤن میں ٹرک کی ٹکر سے 4 سالہ بچی ک جاں بحق ہوگئی جس کا مقدمہ درج کرلیا گیا ہے ۔ مقتولہ بچی کے والد مختار احمد کی مدعیت میں کورنگی انڈسٹریل ایریا تھانے میں مقدمہ درج کیا گیا۔مقدمہ میں کورنگی مہران ٹاؤن میں ڈرائیور گلی میں کچرا پھینکنے آیامنع کرنے پر ٹرک ڈرائیورکچراپھینک کر بھاگنے لگا ڈرائیور نے جلدی میں گاڑی چلاتے ہوئے بچی رخسانہ کو کچلتے ہوئے فرار ہوگیا۔پولیس حکام کا کہنا ہے کہ ٹرک ڈرائیور ذاکر اللہ کو گرفتار کر لیا گیا ہے جبکہ ٹرک بھی تحویل میں لے لیا ہے ایک اور حادثے میں نادرن بائی پاس پاکستان ہوٹل کے قریب ٹرالر اور گیس سلینڈر ٹرک میں تصادم کے نتیجے میں ایک شخص جاں بحق جبکہ 2 افراد زخمی ہوگئے زخمیوں کواسپتال منتقل کر دیا گیا۔رواں سال ٹریفک حادثات میں جاں بحق ہونے والوں کی تعداد 158 ہوگئی ہے 
