ایف آئی اے نے معروف اداکارہ و ماڈل نادیہ حسین کو فراڈ کیس میں طلب کرنے کا فیصلہ کر لیا۔کراچی کی جوڈیشل مجسٹریٹ شرقی کی عدالت میں ایف آئی اے نے 55 صفحات پر مشتمل کیس کا عبوری چالان جمع کروا دیا.عدالت میں جمع کروائے گئے عبوری چالان میں انکشاف ہوا ہے کہ ملزم کے بینک اکاؤئنٹس سے فائدہ اٹھانے والوں میں ان کی اہلیہ و اداکارہ نادیہ حسین کے سیلون کا اکاؤنٹ بھی شامل ہے رپوٹ کے مطابق مطابق نادیہ حسین نے مبینہ طور پر اپنے 2 سیلون کے لیے بینک فراڈ کے فنڈز استعمال کیے.تحقیقات کے دوران معلوم ہوا ہے کہ عاطف خان کے 2 الگ الگ اکاؤنٹس کے ذریعے سیلون کے اکاؤنٹس میں 2 کروڑ 64 لاکھ روپے منتقل کیے گئے۔چالان کے مطابق ملزم عاطف خان کے بینک اکاؤنٹس ٹرانسفر سے فائدہ اٹھانے والوں کو تحقیقات کے لیے بلایا جائے گا۔چالان کے متن کے مطابق ملزم نے کمپنی فنڈز سے خریدے گئے شیئرز سے 31.47 ملین کے ڈیویڈنڈ ذاتی بینک اکاؤنٹ میں جمع کروائے تھے اور ذاتی ٹریڈنگ کے لیے تھرڈ پارٹیز سے مختصر دورانیے کے لیے 65 کروڑ روپے کے فنڈز حاصل کیے تھے۔ملزم نے کمپنی اکاؤنٹس کے ذریعے فنڈز مارک اپ کے ساتھ واپس کیے اور ملزم کی جانب سے کمپنی کو واجب الادا رقم 54 کروڑ روپے ہے۔
