راولپنڈی کی فوڈ اسٹریٹ کے قریب ڈرون گرنے سے زخمی ہونے والا شخص جاں بحق ہو گیا۔ذرائع نے کہا کہ نوجوان فوڈ اسٹریٹ میں ملازمت کرتا تھا ڈرون لگنے سے شدید زخمی ہوا تھا۔ذرائع نے کہا کہ قانون نافذ کرنے والے اداروں کے اہلکاروں نے جائے وقوعہ کو سیل کر دیا پولیس ذرائع کے مطابق ڈرون درخت سے ٹکرانے کے بعد ایک دکان کے اندر جا گرا جس کے بعد آگ لگ گئی۔پولیس ذرائع کا کہنا ہے کہ ڈرون کا ملبہ قانون نافذ کرنے والے اداروں کے اہلکاروں نے تحویل میں لے لیا۔ذرائع نے کہا کہ راولپنڈی میں مجموعی طور پر 3 ڈرونز گر کر تباہ ہوئے ہیں۔ یہ ڈرونز فوڈ اسٹریٹ، ریس کورس ٹرانزٹ کیمپ اور اسکیم تھری کے قریب گرے ہیں۔
