معروف ماڈل نادیہ حسین کے شوہرکی گرفتاری کے گرفتاری کے بعد تفتیش میں فراڈ سے حاصل رقم کی بینیفیشری نکلی.ایف آئی اے کے ذرائع کے مطابق ان کے شوہر نے فراڈ سے حاصل رقم میں سے نادیہ حسین کے سیلون کے اکاؤنٹس میں دوکروڑ 64 لاکھ روپے سے زائد کی رقم منتقل کی. ذرائع کے مطابق ایف آئی اے نے عید کے بعد نادیہ حسین کو طلب کرنے کا فیصلہ کرلیا نادیہ حسین کو ایک یا دو روزمیں پیشی کانوٹس جاری کیا جائے گا. واضح رہے کہ اداکارہ نادیہ حسین کے شوہر عاطف خان نجی بینک کے ذیلی ادارے میں مالی بے ضابطگی کرنے کے الزام میں ایف آئی اے کی حراست میں ہیں اور ان سے اس سلسلے میں تفتیش کی جا رہی ہے۔ایف آئی اے ترجمان کا کہنا ہے کہ ان کے شوہر کے خلاف تحقیقات کی گئیں اور انکوائری میں یہ بات ثابت ہوئی کہ ملزم عاطف محمد خان نے نجی بینک کے ذیلی ادارے میں بطور سی ای او اپنے عہدے کا غلط استعمال کرتے ہوئے تقریباً 54 کروڑ روپے کی خرد برد کی۔
