سینٹرل جیل کراچی میں جوڈیشل کمپلیکس میں غیر قانونی اسلحہ اور منشیات برآمدگی کیس کی سماعت ہوئی مصطفیٰ عامر قتل کیس کے ملزم ارمغان کے والد کامران قریشی کوعدالت میں پیش کیا گیا۔میڈیا کے نمائندوں سے غیر رسمی گفتگو کرتے ہوئے کامران قریشی نے کہا کہ پولیس نے مجھے بہت مارا اور کہا کہ اپنا منہ بند کرو اور میڈیا سے بات مت کرو۔انہوں نے کہا کہ میں نے پولیس کو کہا کہ مجھے ماردو جنت میں ہی جاؤں گا۔جوڈیشل مجسٹریٹ شہزاد خواجہ کی عدالت میں سماعت ہوئی عدالت نے تفتیشی افسر کی عدم حاضری پر اظہار برہمی کیا عدالت نے کہا کہ تفتیشی افسر پیش ہوئے نہ ہی چالان پیش کیا گیا عدالت نے تفتیشی افسر کو شوکاز نوٹس جاری کردیے۔عدالت میں ایف آئی اے حکام بھی پیش ہوئے ایف آئی اے نے ملزم کامران قریشی کے جسمانی ریمانڈ کی درخواست دائر کی اور کہا کہ کامران قریشی سے تفتیش کرنا ہے۔عدالت نے کہا کہ آپ متعلقہ عدالت سے این او سی لے کر آئیں اس کے ساتھ ہی عدالت نے 16 اپریل تک سماعت ملتوی کردی۔
