پی آئی اے فلائٹ 306 کا لاپت ویل تین دن کی تلاش کے بعد کراچی ایئرپورٹ کی حدود سے مل گیا پاکستان ایئر پورٹس اتھارٹی حکام کے مطابق فلائٹ 306 کا لاپتہ ویل جناح انٹرنیشنل ایئرپورٹ کے ریموٹ پارکنگ بے کے پاس سے ملا ہے۔ ویل شاپ ٹیکنیشنز نے گراؤنڈڈ بوئنگ 777 طیارے کے لینڈنگ گئیر کے قریب سے ویل ملنے کی اطلاع دی۔واضح رہے کہ پرواز پی کے 306 بدھ کی شب لاہور ایئرپورٹ پر لینڈنگ کی تھی لینڈنگ کے بعد طیارے کے ایک ٹائر کی عدم موجودگی کا انکشاف ہوا تھا.ایوی ایشن ماہرین کا کہنا ہے کہ ہر طیارے کے ٹیک آف کے بعد عملہ رن وے کا باریک بینی سے یہ جائزہ لیتا ہے کہ طیارے سے کوئی چیز نکل کر رن وے پر نہ گری ہو کیونکہ رن وے پر پڑی دھاتی یا ٹھوس اشیاء ٹیک آف کرتے کسی دوسرے طیارے کیلئے انتہائی خطرناک ہو سکتی ہے لیکن پی اے اے حکام کو پی آئی اے کے طیارے سے ویل نکلنے کا علم طیارے کے لاہور پہنچنے کے بعد ہوا اور طیارے سے نکلا ہوا پہیہ کراچی ایئر پورٹ کی حدود سے ہی تین دن بعد مل گیا ہے۔ ایئر بس کمپنی نے طیارے کی ٹیکنیکل بنیادوں پر تحقیقات شروع کر دی ہیں جبکہ بورڈ اف سیفٹی انویسٹیگیشن پہلے ہی واقعہ کی تحقیقات کر ریا ہے۔ایئر بس ساختہ 320 طیارے بنانے بنانے والی کمپنی نے پی آئی اے سے پرواز پی کے 306 کے اے پی- بی ایل ایس رجسٹریشن کے حامل ایئر بس طیارے کی مکمل رپورٹ طلب کر لی۔ذرائع کے مطابق ایئر بس کمپنی نے طیارے کا تین ماہ کا مکمل فلائٹ ڈیٹا ریکارڈ اور چیک لسٹ بھی طلب کر لی۔ ایئر بس کمپنی نے مذکورہ طیارے کی لینڈنگ گیئر سمیت دیگر رپورٹ بھی مانگ لیں ہیں 
