کراچی میں ٹریفک مسائل نئے ٹریفک اور روڈ سیفٹی قوانین کا نفاذ کر دیا گیا۔روڈ سیفٹی قوانین کا فیصلہ آئی جی ٹریفک پولیس کی زیر صدارت اجلاس میں کیا گیا ٹریفک کی روانی بہتر بنانے اور محفوظ سڑکوں کے لیے سخت اقدامات کا فیصلہ کیا گیا ۔ٹریفک پولیس کی زیر صدارت اجلاس میں چنگچی رکشوں کے لیے مرحلہ وار پابندی عائد کرنے کا فیصلہ ہوا جبکہ پانچ بڑی شاہراؤں کو چنگچی رکشہ کے لیے ممنوع قرار دیا گیا ہے جن میں آئی آئی چندریگر روڈ، شاہین کمپلیکس تا ٹاور ممنوع قرار دیا گیا ہے اسی طرح شاہراہ فیصل، آواری تا اسٹار گیٹ پر بھی ممنوع قرار دیا گیا ہے خلیق الزمان روڈ للی سگنل تا سب میرین انڈر پاس پر چنگچی رکشہ ممنوع ہو گا سر شاہ سلیمان روڈ، لیاقت آباد 10 نمبر غریب آباد تا اسٹیڈیم تک داخلہ ممنوع قرار دیا گیا ہے۔اسی طرح راشد منہاس روڈ، ڈرگ روڈ تا سہراب گوٹھ پر رکشوں کا داخلہ ممنوع ہو گا ٹریفک روانی بہتر بنانے، حادثات میں کمی کےلیےمزیدپابندیاں نافذکی جائیں گی۔اجلاس میں آئل ٹینکرز میں بفر پلیٹس لگانے کی ہدایت دی گئی ہے جدید ٹریفک مانیٹرنگ سسٹم، آٹومیٹک نمبر پلیٹ ریکگنیشن کیمرے نصب کیے جا رہے ہیں جس سے ریڈ سگنل توڑنے اسٹاپ لائن سے آگے موٹرسائیکل سواروں اور گاڑیوں کی نشاندہی ہو گی رفتار کی حد پر عملدرآمد کروانے کے لیے اسپیڈ کیمرے نصب کیے جا رہے ہیں لین مانیٹرنگ کیمرے غلط لین چلنے والی گاڑی کی نشاندہی کریں گے خلاف ورزی دہرانے والوں کے لیے اضافی جرمانہ کیا جائےگا ٹریفک قانون کی خلاف ورزی دوبارہ کرنے پر 2500 روپےکا اضافی جرمانہ ہو گا۔اجلاس میں سڑکوں پر پانی گرانے والے واٹر ٹینکرز کے خلاف سخت کارروائی کرنے کا فیصلہ کیا گیا ہے. موٹرسائیکل سواروں کے لیے ہیلمٹ پہننا لازمی اور چین اسپاکٹ پر چین کور نصب کرنا لازمی ہوگا۔علاوہ ازیں ہیڈ لائٹ، ٹیل لائٹ، ہیزرڈ لائٹ اور انڈیکیٹرز درست حالت میں ہونی چاہئیں جبکہ رجسٹریشن پلیٹس دونوں طرف نمایاں ہونی چاہئیں۔ لین کی پابندی موٹرسائیکل سواروں کے لیے سڑک کے بائیں طرف چلنا لازمی ہو گی موٹر سائیکل سواروں کے درمیانی یا دائیں طرف ہونے پر جرمانہ کیا جائے گا۔
