کراچی کے علاقے کورنگی کریک میں 18 روز بعد بجھنے والی آگ کو دوبارہ بھڑکادیا گیا ماہرین کا کہنا ہے کہ گیس کو فضا میں پھیلنے سے روکنے کے لیے دوبارہ آگ لگائی گئی ہے۔اب چیف فائر آفیسر کا کہنا ہےکہ گیس کے خطرناک ہونے کے باعث ماہرین کی جانب سے کورنگی کریک کے اسی مقام پر دوبارہ آگ لگا دی گئی اور یہ آگ ماحول کی حفاظت کیلئے لگائی گئی ہے۔ماہرین کا کہنا ہے کہ گیس کو فضا میں پھیلنے سے روکنے کیلئے ماہرین کی نگرانی میں محفوظ طریقے سے دوبارہ لگائی گئی ہے جبکہ علاقے میں حفاظتی اقدامات مزید سخت کردیے گئے ہیں جبکہ فائر برگیڈ کا عملہ بھی مقام پر موجود ہے۔پاکستان پٹرولیم لمیٹڈ کے چیف آپریٹنگ آفیسر سکندر میمن نے شہریوں کو ہدایت کی کہ آگ کا مشاہدہ کرنے یا ویڈیوز بنانے کے لیے علاقے کا رخ کرنے سے گریز کریں گیس کی قسم کے تعین سے متعلق سوال پر انہوں نے کہا کہ فی الحال یہ نہیں بتایا جاسکتا کہ زمین سے کون سی گیس خارج ہورہی ہے گیس کا زیر زمین ذخیرہ ختم ہونے اور آگ بجھنے کے بعد ہی گیس کی نوعیت کا تعین کیا جاسکے گا۔واضح رہے کہ کورنگی کریک میں زیر تعمیر منصوبے میں کھدائی کے دوران 18 روز قبل آگ بھڑک اٹھی تھی جو آج صبح سویرے آگ اچانک بجھ گئی تھی جس کے بعد گیس کے اخراج کے باعث علاقے میں بو پھیل گئی تھی۔
