کراچی کی فضاؤں میں اس وقت دلکش مناظر دیکھے گئے جب شہاب ثاقب آسمان سے گرتے ہوئے زمین کی طرف سفر کر رہے تھے. شہاب ثاقب کو رات 2 بج کر43 منٹ پر گزرتے دیکھا گیا۔شہر کے مختلف علاقوں میں لوگوں نے ٹوٹے ہوئے تاروں کی مانند شہاب ثاقب کو فضا میں پھیلتے ہوئے دیکھا اور اس کے گزرنے کی موبائیل کے ذریعے ویڈیو بنا ئی جو کہ سوشل میدیا پر وائرل ہوگئی ہے . ماہرین کے مطابق شہاب ثاقب زمین کےگردمدارمیں کروڑوں کی تعدادمیں ہوتے ہیں۔ یہ پتھر سورج کے گرد گھومتے ہیں اور ان کا زمین کی فضا میں داخل ہونا ایک قدرتی فلکیاتی عمل ہے جس کی وجہ سے ان سے روشنی کی جھرمٹ پیدا ہوتی ہے اور یہ زمین پر گرنے سے پہلے ایک شاندار منظر پیش کرتے ہیں ان اجرام فلکی کو سنگ شہاب بھی کہا جاتا ہے۔انہیں عام زبان میں شوٹنگ اسٹار بھی کہا جاتا ہے.
