فرحان ملک پر ایف آئی اے کے دوسرے کیس کی تفصیل سامنے آگئی درج کی گئی ایف آئی آر کے مطابق 25 مارچ کو گلشن اقبال میں ایک کال سینٹر پر چھاپا مارا جس میں 2 ملزمان عاطر حسین اور حسن نجیب کو گرفتار کیا گیا ہے۔ایف آئی آر کے مطابق گرفتار ملزمان غیرملکیوں سے فراڈ میں ملوث ہیں کال سینٹر میں سافٹ ویئر کے ذریعے غیرملکیوں سے ان کا خفیہ ڈیٹا حاصل کیا جارہا تھا۔ایف آئی آر کے مطابق گرفتار ملزمان نے بتایا کہ یہ کام فرحان گوہر ملک کے کہنے پر ہو رہا ہے ملزمان فراڈ اور چیٹنگ میں ملوث ہیں۔ واضح رہے کہ فرحان ملک کو اس کیس میں ایف آئی اے نے کراچی میں جوڈیشل مجسٹریٹ ملیر کی عدالت میں پیش کر کے 5 روزہ جسمانی ریمانڈ حاصل کرلیا۔
