پبلک اکاؤنٹس کمیٹی کے چیئرمین اور پی ٹی آئی خیبر پختونخوا کے سربراہ جنید اکبر نے ایک انٹرویو میں کہا کہ پارٹی کارکن عید الفطر کے تینوں دن اڈیالہ جیل کے باہر احتجاج کریں گے جہاں سابق وزیراعظم عمران خان قید ہیں۔انہوں نے کہا کہ ہم عید الفطر کے بعد اسلام آباد کی طرف مارچ کریں گے لیکن یہ بھی ممکن ہے کہ ہم عید الفطر کے 3 دن اڈیالہ جیل کے باہر احتجاج کریں۔پی ٹی آئی عید کے بعد ایک بڑی تحریک شروع کرنے کا ارادہ رکھتی ہے تاکہ حکومت پر دباؤ ڈالا جا سکے کہ وہ جیل میں قید سابق وزیر اعظم کے لیے کچھ رعایتیں حاصل کرے۔جنید اکبر کہا کہ اگر حکومت حزب اختلاف کی اہم جماعت کے ساتھ بات چیت کرنا چاہتی ہے تو اسے پہلا قدم اٹھانا ہوگا اور مذاکرات میں اپنی سنجیدگی کا مظاہرہ کرنا ہوگا۔جنید اکبر نے کہا کہ تحریک تحفظ آئین پاکستان کی جماعتیں ہماری حمایت کر رہی ہیں، اب ہم ان سیاسی قوتوں کی حمایت حاصل کرنے کی کوشش کر رہے ہیں جو پارلیمنٹ کا حصہ نہیں ہیں ہم نے جماعت اسلامی کی قیادت سے بھی رابطہ کیا ہے اور پوری امید ہے کہ صورتحال میں بہتری آئے گی۔ان کا کہنا تھا کہ اپوزیشن اتحاد میں سب کچھ مثالی نہیں لیکن ان کا کہنا تھا کہ اتحاد کو مضبوط بنانے کی کوشش کی جا رہی ہے
