کراچی میں ویڈ کی فروخت کے الزام میں گرفتار ساحرحسین نے مزید انکشافات کر دیے۔ ملزم نے بتایا کہ اسلام آباد میں ایک دوست یحیی کے ذریعے ویڈ منگواتا تھا۔ یحیی کا کزن اس کادوست تھا اسی کے ذریعے رابطہ ہوا۔ملزم ساحرحسین نے بتایا کہ اسے گھر پر نجی کوریئرکمپنیوں کے ذریعے ویڈ ملتی تھی ساحر حسن کہا کہ اس کی 2017 میں ارمغان سے ملاقات ہوئی۔ ارمغان 2016 سے منشیات فروخت کر رہا تھا ارمغان کی جیل میں بلال ٹینشن سے ملاقات ہوئی تھی۔معروف اداکار ساجد حسن کے بیٹے نے انکشافات کیے کہ اسے سپلائی کی جانے والی ویڈ کیلی فورنیا امریکا سے منگوائی جاتی ہے وہ ارمغان کا کبھی بھی دوست نہیں رہا اس کی دوستی مصطفیٰ عامر سے تھی۔ملزم ساحر حسین کا کہنا ہے کہ مصطفیٰ عامرسے پہلی ملاقات 2022 میں ایک دوست معظم پٹیل نے کرائی تھی ۔ ملزم ساحر نے بتایا کہ وہ اور مصطفیٰ عامر پینے کے لیے ویڈ ایک دوسرے کو دیتے رہتے تھے۔ ایک سال تک اس کے پاس ویڈ نہیں آرہی تھی تو مصطفیٰ پینے کے لیے ویڈ لاکر دیتا رہا۔ کچھ ماہ پہلے ایک دوست واسع گلزارنے فون کرکے بتایا کہ ارمغان بہت امیرہوگیا ہے۔ساحر حسن کے مطابق دوست نے بتایا کہ ارمغان نے کروڑوں کی گاڑی، بنگلہ، اسلحہ اور شیر کے بچے خریدے ہیں۔ دوست نے بتایا کہ ارمغان بیرون ملک بزرگ افراد کے پنشن فنڈ میں فراڈ کرتا ہے۔ ارمغان فراڈ کاروبار کے نام پربیرون ملک سے پیسے منگواتا اور غائب ہوجاتا تھا۔مصطفی عامر قتل کیس کے ملزم ساحر حسن نے بتایا کہ 4 جنوری کو مصطفیٰ عامر سےآخری ملاقات ہوئی، وہ ایک گرام ویڈ ادھار لے کر گیا تھا۔ مصطفیٰ نے مجھے 5 جنوری کو رقم دینے کا کہا تھا لیکن وہ پھر کبھی نہیں آیا۔ 15 جنوری کو ارمغان شیراز کے ساتھ گھر پرآیا دروازہ زور سے بجایا اور میری بیوی سے بدتمیزی بھی کی۔ارمغان نے گرفتاری سے 3 روزپہلے ایک لاکھ 33 ہزار روپے کی 14 گرام ویڈ خریدی تھی۔ ساحر حسن نے بتایا کہ وہ والد کے ساتھ رہتا ہے وہ ویڈ بیچتا ہے یہ اس کی بیوی کو بھی پتا تھا۔ اس نے اپنے گھرکی الماری میں 400 گرام ویڈ چھپا رکھی تھی جو 35 لاکھ روپے میں خریدی تھی
