کوئٹہ ایئرپورٹ پر بلوچستان نیشنل پارٹی کے سربراہ سردار اختر مینگل کو دبئی جانے والی پرواز سے اتار دیا گیا۔ایف آئی اے حکام کے مطابق اختر مینگل کو دبئی جانے والی نجی ائیر لائن کی پرواز سے آف لوڈ کیا گیا، اختر مینگل کا نام پی این آئی ایل میں ہونے کی وجہ سے دبئی جانے سے روکا گیا۔اس حوالے سے سردار اختر مینگل نے کہا ہے کہ دبئی کے لیے جا رہا تھا، مجھے کوئٹہ ایئرپورٹ پر پرواز سے اتار دیا گیا ، امیگریشن اسٹاف نے آگاہ کیا میرا نام پرویژنل نیشنل آئیڈنٹیفکیشن لسٹ میں ہے۔
