امریکی تحقیقی ادارے ورلڈ پاپولیشن ریویو کی تازہ رپورٹ کے مطابق امریکا دنیا کا سب سے مقروض ملک بن گیا ہے رپورٹ کے مطابق سرفہرست امریکا جس پر 32.9 ٹریلین ڈالر کا قومی قرضہ چڑھا اور ہر امریکی تقریباً 76ہزار ڈالر کا قرض دار ہے جس کے بعد چین15ٹریلین ڈالر،جاپان10.9 ٹریلین ڈالر ، برطانیہ3.4 ٹریلین ڈالر ، فرانس 3.4 ٹریلین ڈالر ، اٹلی3.1 ٹریلین ڈالر ، بھارت3 ٹریلین ڈالر ، جرمنی2.8 ٹریلین ڈالر ،کینیڈا 2.3 ٹریلین ڈالر اور برازیل1.8 ٹریلین ڈالر کے نمبر پر ہیں. رپورٹ کے مطابق3ہزار ارب ڈالر قومی قرض کے ساتھ بھارت ساتواں بڑا مقروض ملک بن گیا اور اس کا ہر شہری 504 ڈالر کا قرض دار ہے۔ پاکستان کا 33 واں نمبر جس پر 260.8ارب ڈالر کا قومی قرض اور ہر پاکستانی 543 ڈالر کا مقروض ہے جبکہ بنگلہ دیش کا قومی قرض177.6 ارب ڈالر ہے۔ ہر بنگلہ دیشی611ڈالر کا مقروض ہے ۔سب سے کم قومی قرض افغانستان کا 1.6ارب ڈالر اور ہر افغان 30 ڈالر کا مقروض ہے۔عالم اسلام میں مقروض ترین ملک انڈونیشیا 543 ارب ڈالر ، مصر 377 ارب ڈالر ،ترکی330 ،سعودی عرب280 اور ملائیشیا(278 ) ہیں۔
