امریکی ریاست الاسکا کی رہائشی میری پرل زیلمر رابنسن نے اپنی غیر معمولی صلاحیت کی بدولت دنیا کا سب سے بڑا منہ کھولنے کا گنیز عالمی ریکارڈ اپنے نام کرلیا۔غیر ملکی میڈیا کے مطابق میری اپنے منہ کو 7.23 سے 7.33 سینٹی میٹر تک کھول سکتی ہیں جس کے ساتھ انہوں نے اس سے قبل رامسڈیل نامی شخص کا 6.52 سینٹی میٹر کا ریکارڈ توڑ دیا۔ایک انٹرویو کے دوران انہوں نے بتایا کہ وہ سات بہن بھائیوں میں شامل ہیں اور بچپن میں اپنے بڑے منہ کی وجہ سے اپنے بہن بھائیوں کو حیران کیا کرتی تھیں، وہ اکثر مذاق میں اپنے منہ میں مالٹا یا لائٹ بلب ڈال کر سب کو تنگ کرتی تھیں۔انہوں نے کہا کہ ایک انٹرویو کے دوران انہوں نے کہا کہ جب انہیں پتہ چلا کہ سب سے بڑا منہ کھولنے کا ایک عالمی ریکارڈ موجود ہے تو انہوں نے اسے توڑنے کا عزم کیا۔
