واشنگٹن: امریکی محکمہ خارجہ کے ترجمان میتھیو ملر نے کہا ہے کہ ایران نے اسرائیل پر جو حملہ کیا وہ دہشتگردی ہے۔
امریکی محکمہ خارجہ کے ترجمان میتھیو ملر نے پریس کانفرنس کرتے ہوئے کہا کہ حماس مذاکرات کی میز پر نہیں آ رہا ہے۔ اور امریکی افواج اسرائیل کے ساتھ کھڑی ہے۔
انہوں نے کہا کہ اطلاعات کے مطابق ایرانی حملوں میں تاحال کوئی جانی نقصان نہیں ہوا۔ تاہم اسرائیل کو اپنے دفاع کا حق حاصل ہے۔
میتھیو ملر نے کہا کہ حماس کی جانب سے مذاکرات نہ کرنے کے باعث جنگ بندی نہیں ہو رہی۔ دنیا کو ایران کے حملوں کی مذمت کرنی چاہیے کیونکہ ایران نے جو کیا وہ دہشت گردی ہے۔
