ایلون مسک کی کمپنی ایکس اے آئی نے نیا آرٹی فیشل انٹیلی جنس ماڈل گروک 3 متعارف کردیا ہے . جس کو مختصر وقت کے لیےمفت استعمال کیا جاسکتا ہے .اس بات کا اعلان ایکس اے آئی کے بانی ایلون مسک نے ایک ایکس پوسٹ میں کیا۔البتہ انہوں نے یہ واضح نہیں کیا کہ یہ مختصر وقت درحقیقت کتنے دنوں یا گھنٹوں پر مشتمل ہے۔مفت صارفین کو گروک 3 میں محدود فیچرز دستیاب ہوں گے۔تاہم نیا اے آئی چیٹ بوٹ ہر ماہ 40 ڈالرز فیس ادا کرنے والے ایکس کے پریمیئم پلس صارفین کو دستیاب ہوگا۔ایلون مسک نے دعویٰ کیا ہے کہ یہ اب تک دنیا میں متعارف کرائے جانے والا سب سے اسمارٹ اے آئی چیٹ بوٹ ہے. جس کا مقابلہ دیگر چیٹ بوٹس نہیں کرسکتے۔ایکس اے آئی کے مطابق تھنک آپشن انسانوں جیسی منطق ظاہر کرنے کی صلاحیت رکھتا ہے جس سے آپ پیچیدہ سوالات پوچھ سکتے ہیں۔اسی طرح ڈیپ سرچ کو کمپنی کی جانب سے اگلی نسل کا سرچ انجن قرار دیا گیا ہے جو کہ تحقیقی انکوائریز کی سمریز تیار کرسکتا ہے۔
