سوشل میڈیا پلیٹ فارم کی جانب سے ایکس منی کو لانچ کیا جا رہا ہے جس کا بنیادی مقصد ایکس صارفین کو پیمنٹ کی سہولت فراہم کرنا ہے اس پیمنٹ سروس کو 2025 میں کسی وقت باضابطہ طور پر متعارف کرایا جائے گا۔ایکس کی سی ای او نے حال ہی میں اعلان کیا تھا کہ ایکس منی کا پہلا آفیشل شراکت دار ویزا ہوگا.اس شراکت داری سے صارفین کو ویزا ڈائریکٹ کے ذریعے پیسے بھیجنے یا موصول کرنے میں مدد ملے گی۔ایکس منی کے آفیشل اکاؤنٹ کے مطابق یہ آپ کے تمام مالیاتی اقدامات کا حل ہے.ایکس منی میں صارفین کو ڈیبٹ کارڈ کے ذریعے کنیکٹ ہونے کی سہولت فراہم کی جائے گی تاکہ وہ پیمنٹ سروس کو استعمال کرسکیں۔اس کے علاوہ بینک اکاؤنٹس میں براہ راست پیسے ٹرانسفر کرنے کا آپشن بھی دیا جائے گا۔ذرائع کے مطابق اس سروس کو سب سے پہلے امریکا میں متعارف کرایا جائے گا اور پھر دیگر خطوں کا رخ کیا جائے گا جس کا انحصار وہاں قانونی اور مالیاتی منظوری ملنے پر ہوگا۔
