بھارتی شہر بنگلورو کے شہری نے دنیا کے مہنگے ترین وولف ڈاگ کو 50 کروڑ روپے بھارتی روپے میں خرید لیا۔جس کی پاکستانی روپے میں ایک ارب 60 لاکھ روپے کے لگ بھگ مالیت بنتی ہے .انڈین ڈاگ بریڈرز ایسوسی ایشن کے صدر ایس ستیش نے دنیا کے نایاب ترین وولف ڈاگ کو تقریباً 5.7 ملین امریکی ڈالرز میں خرید کر دنیا کو حیران کر دیا۔بین الاقوامی میڈیا رپورٹس کے مطابق یہ نایاب کتا کادا بوم اوکامی ہے، جو بھیڑیے اور کاکیشین شیفرڈ کا امتزاج ہے اور اپنی نسل کا پہلا کتا تصور کیا جا رہا ہے۔کادا بوم اوکامی کو امریکا میں پیدا کیا گیا تھا اور جب یہ کتا صرف 8 ماہ کا تھا تو اس کا وزن 5 کلو گرام سے زیادہ تھا اس کی خوراک بھی عام کتوں سے مختلف ہے اور یہ روزانہ 3 کلو گرام کچا گوشت کھاتا ہے۔یہ ناصرف ایک انتہائی نایاب نسل ہے بلکہ اسے دنیا کے مہنگے ترین کتوں میں بھی شمار کیا جا رہا ہے۔ایس ستیش نے میڈیا کو بتایا کہ وہ ہمیشہ منفرد اور مہنگے کتوں کا شوقین رہیں ہیں انہوں نے 50 کروڑ بھارتی روپے اس کتے پر خرچ کیے کیونکہ انہیں نایاب نسل کے کتوں کو متعارف کروانے کا شوق ہے ایس ستیش نے کہا کہ ان کا کتا اور وہ کسی فلمی ستارے سے زیادہ توجہ حاصل کرتے ہیں جب وہ اسے عوام میں لے کر جا تے ہیں تو لوگ دیوانہ وار اس کے ساتھ تصاویر کھنچواتے ہیں انہوں نے کہا کہ وہ اپنے کتوں کی نمائش سے 30 منٹ میں تقریباً 2,800 ڈالرز ے لے کر 5 گھنٹے میں 11,700 ڈالرز تک کماتے ہیں .یہ پہلا موقع نہیں جب ایس ستیش نے اتنی بڑی رقم کسی کتے پر خرچ کی ہو گزشتہ سال انہوں نے ایک نایاب چاؤ چاؤ نسل کے کتے کو 3.25 ملین ڈالرز تقریباً 27 کروڑ بھارتی روپے میں خریدا تھا جو دنیا کے مہنگے ترین کتوں میں سے ایک تھا۔ایس ستیش کے مہنگے اور نایاب کتوں کے لیے 7 ایکڑ پر مشتمل ایک خصوصی فارم موجود ہے ان کتوں کی دیکھ بھال کے لیے 6 ملازمین ہر وقت موجود ہوتے ہیں۔
