تیجس کی صلاحیتوں سے متعلق بھارتی دعویٰ ہے کہ یہ بھارت کا پہلا مقامی ساختہ سنگل انجن ملٹی رول لائٹ کومبیٹ ایئرکرافٹ ہے جو ہندوستان ایرو ناٹکس لمیٹڈ اور ایئرو ناٹیکل ڈیولپمنٹ ایجنسی ے مشترکہ طور پر تیار کیا۔بھارت نے تیجس سے متعلق یہ بھی دعویٰ کیا کہ تیجس مارک 1A ورژن AESA ریڈار، جدید الیکٹرانک وارفیئر سسٹم اور اپ گریڈڈ اویونکس سے لیس ہے۔بھارتی میڈیا کا کہنا ہے کہ طیارے کا 90 فیصد بیرونی ڈھانچہ جدید کاربن فائبر کمپوزٹ سے بنا ہے اور اسے دنیا کےمیں شمار کیا جاتا ہے۔بھارتی حکام کا دعویٰ ہے کہ تیجس دور اور کم فاصلے تک مار کرنے والے میزائلوں کا وسیع ذخیرہ رکھتا ہے اس میں 8 ہارڈ پوائنٹس ہیں جن میں تین ویٹ ہارڈ پوائنٹس شامل ہیں یہ ڈراپ ٹینکس کے لیے بھی استعمال ہوتے ہیں۔ طیارہ فضائی ایندھن بھرنے کے نظام سے بھی لیس ہے۔بھارتی فضائیہ اپنی تیزی سے کم ہوتی اسکواڈرن تعداد کو پورا کرنے کے لیے تیجس پر بھاری انحصار کر رہی ہے اور اس کی مزید ڈلیوریز کا انتظار کیا جا رہا ہے۔
