ترکیہ میں جلد باز مسافر طیارہ لینڈ ہونے کے بعد دروازہ کھلنے سے قبل ہی باہر جانے کے لیے کھڑے ہو جاتے ہیں انہیں بھاری جرمانے کا سامنا ہوگا۔میڈیا رپورٹس کے مطابق یہ جرمانہ 70 ڈالرز کے برابر ہوسکتا ہے۔ترک حکام کو توقع ہے کہ اس اقدام سے ان مسافروں کی حوصلہ شکنی ہوگی جو اسی وقت کھڑے ہوکر باہر جانے کے لیے چلنے لگتے ہیں جب لینڈنگ کے بعد طیارہ رکا بھی نہیں ہوتا۔ترکش ڈائریکٹوریٹ جنرل آف سول ایوی ایشن کی جانب سے جاری سرکولر میں بتایا گیا کہ طیارے کے لینڈ ہونے کے بعد بہت جلد کھڑے ہونے والے مسافروں سےانتظامیہ کی سفارش پر جرمانہ وصول کیا جائے گا طیاروں میں موجود عملے کو ہدایت کی گئی ہے کہ وہ مسافروں کو انتباہ کریں کہ باہر نکلنے کے لیے جلد بازی نہ کریں اور اگر کوئی ایسا کرتا ہے تو وہ انتظامیہ کو رپورٹ کریں گے جس کے بعد جرمانہ عائد کیا جائے گا۔سرکولر کے مطابق مسافروں کو طیارہ لینڈ ہونے کے بھی اپنی نشست پر بیٹھے رہنا ہوگا جب تک طیارے کا عملہ باہر جانے کا اعلان نہیں کرتا۔اس اقدام کا مقصد جلد بازی کرنے والے مسافروں کی حوصلہ شکنی کرنا ہے جن کی وجہ سے اکثر طیاروں سے مسافروں کے اخراج کا عمل تاخیر کا شکار ہو جاتا ہے۔
