حکومت سندھ نے گاڑیوں کے لیے سیکیورٹی فیچر سے مزین نمبر پلیٹس کی تنصیب کی آخری تاریخ میں توسیع کا اعلان کردیا ہے۔ نئی ڈیڈ لائن اب 31 اکتوبر 2025 مقرر کی گئی ہے جو اس سے قبل 14 اگست تھی۔یہ فیصلہ چیئرمین پاکستان پیپلزپارٹی بلاول بھٹو زرداری کی ہدایت پر کیا گیا۔ چیئرمین بلاول سے وزیر ایکسائز، ٹیکسیشن و نارکوٹکس مکیش کمار چاولہ نے سندھ اسمبلی میں ملاقات کی جس میں انہیں اسمبلی میں پیپلزپارٹی کے اراکین کی کارکردگی اور حاضری سے متعلق بریفنگ دی گئی۔ملاقات کے دوران صوبے کی مجموعی سیکیورٹی صورتحال اور نمبر پلیٹس کی تنصیب سے متعلق پیش رفت پر بھی تفصیلی بات چیت ہوئی محکمہ ایکسائز نے شہریوں سے اپیل کی گئی ہے کہ وہ مقررہ وقت کے اندر اپنی گاڑیوں پر نئی نمبر پلیٹس لگوا لیں تاکہ کسی قسم کی قانونی کارروائی سے بچا جا سکے۔
