پاکستانی شوبیز کی سینئر اداکارہ صائمہ قریشی کے ایک انٹرویو میں خواتین کے حوالے سے دیے جانے والے بیان پر سوشل میڈیا صارفین کا غصہ تھمنے کا نام نہیں لے رہااور نامور شخصیات کی جانب سےبھی برہمی کا اظہارکیا جارہا ہے عمران خان کی سابقہ اہلیہ ریحام خان نے بھی اداکارہ صائمہ قریشی کو ان کے متنازع بیان پر آڑے ہاتھوں لے لیا۔ریحام خان نے کہا کہ ایک پاکستانی خاتون اداکارہ جن کے انٹرویو کے کلپس وائرل ہو رہے ہیں وہ کلپس دیکھ کر انہیں بھی بہت غصہ آیا وہ خاتون خود ایکٹر ہیں کما رہی ہیں اور انٹرویو میں بیٹھ کر کہہ رہی ہیں کہ عورت کی کمائی میں برکت نہیں ہے یہ کہنا بہت آسان ہے لیکن ایسا کرتے ہوئے آپ ان خواتین کی توہین کر رہی ہے جن کے پاس یہ چوائس نہیں ہے کہ وہ مردوں کی بابرکت کمائی کا انتظار کریں۔انہوں نے مزید کہا کہ منافقت اور شعور کی کمی کی حد دیکھیں کہ وہ کہہ رہی ہیں کہ عورت اپنی کمائی جتاتی ہےجبکہ میری بہن مرد بھی جتاتا ہے۔واضح رہے کہ صائمہ قریشی نے اپنے انٹرویو میں کہا تھا کہ جب عورت گھر کے اخراجات خود اٹھانے لگتی ہے تو وہ لاشعوری طور پر اس کا اظہار کرتے ہوئے جتاتی بھی ہے جس سے اکثر رشتوں میں تلخی پیدا ہوجاتی ہے۔انٹرویو میں اداکارہ صائمہ قریشی نے گھر چلانے کے حوالے سے بات کرتے ہوئے کہا کہ آپ مانیں یا نہ مانیں لیکن یہ بات درست ہے کہ برکت صرف مرد کی کمائی میں ہوتی ہے۔سوشل میڈیا صارفین اُن محنت کش خواتین کیلئے آواز اٹھانے پر ریحام خان کی تعریف کر رہے ہیں جن کے پاس اپنا گھر چلانے کیلئے گھر سے باہر قدم رکھنے کے سوا کوئی چارہ نہیں ہے۔
