امریکی صدر ڈونلڈ ٹرمپ نے واشنگٹن ڈی سی میں قومی ایمرجنسی نافذ کرنے کی دھمکی دیتے ہوئے کہا ہے کہ میئر نے امیگریشن حکام سے تعاون نہ کیا تو واشنگٹن ڈی سی کو وفاق کے کنٹرول میں لے آئیں گے۔واضح رہے کہ واشنگٹن ڈی سی کی میئر میوریل باؤزر نے کہا تھا کہ شہر کی پولیس امیگریشن اینڈ کسٹمز انفورسمنٹ کے ساتھ تعاون نہیں کرے گی آئی سی ای کے اہلکار غیر قانونی مشتبہ افراد کو حراست میں لے رہے ہیں اور ان پر نسلی پروفائلنگ کے الزامات بھی لگ رہے ہیں جبکہ میئر واشنگٹن ڈی سی موریل باؤزر کا کہنا ہے کہ میٹرو پولیٹن پولیس غیر قانونی مقیم افراد کی معلومات امیگریشن حکام کو نہیں دے گی۔امریکی صدر نے 11 اگست کو شہر کے میٹروپولیٹن پولیس ڈپارٹمنٹ کا کنٹرول 30 دن کے لیے سنبھال لیا تھا نیشنل گارڈ کو فعال کرکے وفاقی اہلکاروں کو تعینات کیا تھا انہوں نے اسے جرائم اور بے گھری پر کریک ڈاؤن قرار دیا.ٹرمپ کی 30 دن کی ایمرجنسی ختم ہو چکی ہے مگر اب بھی 2 ہزار سے زائد نیشنل گارڈ فوجی شہر میں گشت کر رہے ہیں جن میں سے کئی سو فوجی ری پبلکن ریاستوں سے بھیجے گئے ہیں یہ واضح نہیں ہے کہ ان کا مشن کب ختم ہوگا۔ٹرمپ نے ریڈیکل لیفٹ ڈیموکریٹس پر الزام لگایا کہ وہ باؤزر پر دباؤ ڈال رہے ہیں کہ وہ حکومت کو امیگریشن اینڈ کسٹمز انفورسمنٹ سے عدم تعاون کے بارے میں آگاہ کرے ٹرمپ نے کہا کہ اگر پولیس نے آئی سی ای کے ساتھ تعاون روک دیا تو جرائم دوبارہ بڑھ جائیں گے۔امریکی صدر نے کہا کہ واشنگٹن ڈی سی کے عوام اور کاروباری افراد، فکر نہ کریں میں آپ کے ساتھ ہوں اور ایسا ہونے نہیں دوں گا اگر ضرورت پڑی تو میں قومی ایمرجنسی نافذ کر کے وفاقی کنٹرول سنبھال لوں گا تاہم باؤزر کے دفتر نے ڈونلڈ ٹرمپ کی اس تازہ دھمکی پر کوئی فوری ردعمل نہیں دیا۔
