لاہور میں آسٹریلیا اور انگلینڈ کے میچ میں بھارت کا ترانہ چل گیا۔لاہور کے قذافی اسٹیڈیم میں آسٹریلیا اور انگلینڈ کے درمیان ہونے والے میچ کے دوران کچھ لمحات کےلیے بھارتی ترانہ بجنے پر پاکستان کرکٹ بورڈ نے انٹرنیشنل کرکٹ کونسل سے وضاحت طلب کرلی۔ذرائع نے بتایاکہ چیمپئنز ٹرافی کے لیے ترانے کی پلے لسٹ آئی سی سی نے تیار کی تھی بھارت کے پاکستان میں نہ ہونے کے باوجود بھی آئی سی سی نے پلے لسٹ میں بھارت کا ترانہ رکھا۔ذرائع کا کہنا ہے کہ انگلینڈ اور آسٹریلیا کے درمیان میچ میں ترانہ چلانا پی سی بی کی نہیں بلکہ آئی سی سی کی ذمہ داری تھی۔ذرائع کے مطابق پاکستان کرکٹ بورڈ نے معاملے پر آئی سی سی سے رابطہ کیا اور معاملے کی وضاحت طلب کرلی۔ ذرائع کا کہنا ہے کہ پی سی بی نے آئی سی سی سے مطالبہ کیا کہ نہ صرف پاکستان بلکہ ہر کسی کو اس غلطی پر وضاحت دی جائے۔ذرائع نے مزید کہا کہ آئی سی سی کا ٹورنامنٹ ہے اور ہر چیز کو کنٹرول اور ایگزیکیوٹ کرنا آئی سی سی کی ذمہ داری ہے۔
