کراچی میں دوست کے ہاتھوں قتل ہونے والے مصطفیٰ عامر کیس میں گرفتار مرکزی ملزم ارمغان سے تفتیش کے دوران اہم انکشافات سامنے آگئے۔تفتیشی حکام کے مطابق ملزم ارمغان ماضی میں بھی پولیس اور اے این ایف کے ہاتھوں گرفتار ہو چکا ہے اس کے خلاف دہشت گردی، اقدامِ قتل، منشیات فروشی کے 6 سے زائد مقدمات درج ہیں۔ارمغان پر اے این ایف، درخشاں، ساحل، گزری، بوٹ بیسن تھانوں میں مقدمات درج ہوئے اس پر یہ مقدمات 2019ء سے 2024ء کے درمیان درج ہوئے.حکام کے مطابق ملزم نے گرفتاری سے قبل گھر میں موجود تمام لیپ ٹاپس کا ڈیٹا ڈلیٹ کردیا تھا اور لیپ ٹاپس کو خالی کرنے کیلئے ملزم پولیس سے چار گھنٹے تک مقابلہ کرتا رہا۔حکام نے بتایاکہ ملزم گزری میں اپنی گھر پر غیر قانونی سافٹ ویئر ہاؤس اور کال سینٹر چلاتاتھاسافٹ ویئر ہاؤس اور کال سینٹر سےملزم نے غیرملکیوں سے کروڑوں ڈالر لوٹے ملزم ارمغان نے ڈیجیٹل کرنسی کی ہیرپھیر کیلئے درجنوں ڈیجیٹل کرنسی اکاؤنٹس بنائے تھے۔واضح رہے کہ کہ گزشتہ دنوں چھاپے کے دوران ملزم ارمغان نے ایک ڈی ایس پی سمیت دو 2 پولیس اہلکاروں کو گولیاں مار کر زخمی کیا تھا۔
