معروف امریکی اداکارہ مشیل ٹریچٹن برگ 39 سال کی عمر میں چل بسیں۔پولیس کے مطابق بدھ کی صبح 8 بجے نیویارک سٹی میں ان کے اپارٹمنٹ سے ایک ایمرجنسی کال موصول ہوئی جہاں انہیں بے ہوش پایا گیا۔پولیس کا کہنا ہے کہ طبی عملے نے موقع پر ہی ان کی موت کی تصدیق کر دی تھی.ذرائع کے مطابق مشیل نے حال ہی میں جگر کی پیوند کاری کروائی تھی اور ممکن ہے کہ ان کی موت قدرتی وجوہات کی بنا پر ہوئی ہو تاہم موت کی حتمی وجہ جاننے کے لیے طبی معائنہ جاری ہے۔امریکی اداکارہ مشیل ٹریچٹن برگ بفی دی ویمپائر سلیئر اور گوسپ گرل جیسے مشہور ڈراموں میں اپنی نمایاں کارکردگی کے لیے جانی جاتی تھیں۔واضح رہے کہ مشیل ٹریچٹن برگ نے 3 سال کی عمر میں اپنے کیریئر کا آغاز کیا اور دی ایڈونچرز آف پیٹ اینڈ پیٹ اور آل مائی چلڈرن جیسے شوز میں کام کیا۔1996ء میں انہوں نے ہیریئٹ دی اسپائی میں مرکزی کردار ادا کیا۔ 2000ء سے 2003ء تک وہ بفی دی ویمپائر سلیئر میں ڈان سمرز کے کردار میں نظر آئیں گوسپ گرل میں انہوں نے جارجینا اسپرکس کا کردار نبھایا۔
