اسرائیلی وزیراعظم بنجمن نیتن یاہو کے دفتر نے تہران میں اسرائیل کے تازہ فوجی آپریشن کے حوالے سے ایک بیان جاری کیا ہے جس میں تہران کے قریب نئے حملے کی تصدیق کی گئی ہے۔ تاہم امریکی صدر ڈونلڈ ٹرمپ کے ساتھ گفتگو کے بعد نیتن یاہو نے مزید حملوں سے گریز کرنے کا فیصلہ کیا بیان کے مطابق اسرائیلی فوج نے ایران کے پہلے میزائل حملوں جنہیں اسرائیل نے جنگ بندی کی خلاف ورزی قرار دیا اس کے جواب میں تہران کے قریب ایک ریڈار تنصیب کو تباہ کر دیا ہے۔دوسری جانب ایرانی میڈیا نے دعویٰ کیا ہے کہ تہران میں 2 دھماکے سنے گئے ہیں اطلاعات ہیں کہ اسرائیل کی جانب سے ایران کے ریڈار سسٹم کو ٹارگٹ کیا گیا ہے ایرانی ٹی وی چینل پریس ٹی وی نے ایکس پر ایک پوسٹ میں کہا کہ اسرائیل کی جانب سے جنگ بندی کے باوجود ایران میں کئی مقامات کو نشانہ بنایا گیا ہے۔
