واٹس ایپ نے اپنے اینڈرائیڈ ڈیوائسز کے بیٹا ورژن میں چیٹ میسجز اور چینل اپ ڈیٹس کے ٹیکسٹ کا ترجمہ کرنے والا نیا فیچر متعارف کرا دیا ہے جس پر گزشتہ سال سے کام جاری تھا۔ یہ ٹرانسلیشن فیچر بیٹا ورژن کے کچھ صارفین کو دستیاب ہے اور آنے والے ہفتوں میں اسے دیگر بیٹا صارفین تک توسیع دیے جانے کا امکان ہے۔یہ فیچر اسپینش، عربی، ہندی اور روسی زبانوں کے ترجمے کو سپورٹ کرتا ہے۔اس فیچر کی خاص بات یہ ہے کہ ٹیکسٹ کے ترجمے کے لیے انٹرنیٹ کنکشن کی بھی ضرورت نہیں ہوگی۔ صارفین کو صرف مطلوبہ زبان کا لینگوئج پیک ڈاؤن لوڈ کرنا ہوگا جس کے بعد وہ آف لائن بھی پیغامات کا ترجمہ کر سکیں گے۔یہ لینگوئج پیک خودکار طور پر زبان کی شناخت کرکے آنے والے پیغامات کا ترجمہ بھی کرسکتا ہے۔اس فیچر کو آپ کو خود ان ایبل کرنا ہوگا اور اس کے لیے سیٹنگز میں چیٹ سیکشن میں جاکر اسے ان ایبل کرنا ہوگا۔وہاں صارفین انتخاب کرسکیں گے کہ وہ کس زبان کے میسجز کا خودکار طور پر ترجمہ کرانا چاہتے ہیں رپورٹ کے مطابق واٹس ایپ یہ ترجمہ ڈیوائس پر لائٹ ویٹ لینگوئج پیکس کے ذریعے کرے گا اس لیے صارفین کو اس پر مکمل بھروسا نہیں کرنا چاہیے تاہم، واٹس ایپ صارفین کے فیڈ بیک کی روشنی میں ترجمے کے معیار کو بتدریج بہتر بنانے پر کام کرے گا۔
