وزارت بحری امور نے ایران اور خلیجی ممالک کے سفر کے لیے فیری سروس لائسنس کی منظوری دے دی ہے۔پاکستان سے ایران اور خلیجی ممالک جانیوالوں کیلئے سمندری راستہ بھی کھل گیا اب سی کیپرز کو ایران اور خلیجی ممالک کیلئے فیری سروس لائسنس کی منظوری دی گئی ہے۔ وفاقی وزیربحری امورجنید انوارچوہدری کا کہنا تھا کہ کراچی اور گوادر سے فیری سروس کا آغاز ہوگا۔ سمندری سفر محفوظ ، آرام دہ اور قابلِ استطاعت بنایا جائےگا۔ پاکستان کی سمندری معیشت کو فروغ ملے گا۔ فیری سروس سے علاقائی سیاحت اور تجارت کو بھی فروغ ملے گا فیری سروس شروع کرنے کیلئے کوششیں تیز کر دی ہیں۔جنید انوارچوہدری کا کہنا ہےکہ آج بحری رابطےکی نئی تاریخ رقم ہوئی ہے فیری سروس سے زائرین اور مزدوروں کو سستا سفر میسر ہوگا۔
