جیسکا ریڈکلف کی اپنی ہی سدھائی مچھلی کے نگلنے سے موت،وائرل ویڈیو کی اصل حقیقت سامنے آگئی۔ انسٹاگرام، ٹوئٹر اور ٹک ٹاک پر ایک ویڈیو نے دھوم مچا رکھی ہے جس میں دعویٰ کیا جا رہا ہے کہ ایک وہیل ٹرینر، جیسکا ریڈکلف اپنی ہی سدھائی ہوئی کلر وہیل کے ہاتھوں ہلاک ہوگئی۔اس حوالے سے مختلف عالمی میڈیا آؤٹ لیٹس نے بھی تصدیق کردی ہے کہ اس ویڈیو کا حقیقت سے کوئی تعلق نہیں یہ ویڈیو مکمل طور پر اے آئی سے بنائی گئی ہےجہاں جس جگہ یہ ویڈیو بنائی گئی ایسی کوئی جگہ بھی موجود نہیں نہ ہی کسی ٹرینر جیسکا ریڈکلف کا وجودہے۔ متعدد عالمی میڈیا اداروں نے تصدیق کی ہے کہ یہ ویڈیو مکمل طور پر جعلی ہے اور اے آئی ٹیکنالوجی کے ذریعے تیار کی گئی ہے۔واضح رہے کہ ویڈیو میں دکھایا گیا ہے کہ لائیو پرفارمنس کے دوران ٹرینر کا توازن بگڑ جاتا ہے اور وہ پانی میں جا گرتی ہے۔ بعض کلپس میں یہ بھی دکھایا گیا ہے کہ وہیل مچھلی اسے مکمل طور پر نگل لیتی ہے۔یہ چونکا دینے والا منظر دیکھ کر لاکھوں صارفین نے ویڈیو کو شیئر کیا اور افسوس کا اظہار کیا.
