پاکستان نےامریکا کیلئے ڈاک اور پارسل کی ترسیل معطل کر دی .اب پاکستان بھی دنیا کے ان 25 سے زائد ممالک میں شامل ہوگیا ہے جنہوں نے امریکا کی جانب سے ٹیرف میں اضافے کے بعد عارضی طور پر امریکا کو ڈاک اور پارسل کی ترسیل معطل کر دی ہے۔امریکی حکومت نے 25 جولائی کو ایگزیکٹو آرڈر کے تحت سابقہ ڈیوٹی فری سہولت معطل کر دی تھی امریکا کے اس اقدام سے دنیا بھر میں امریکا کے لیے ڈاک کا نظام بری طرح متاثر ہوا ہے کیوں کہ اب ہر قسم کی ڈاک پر نئے نظام کے تحت ٹیکس اور ڈیوٹی دینا لازمی ہوگا۔ موجودہ صورتحال کے باعث پاکستان پوسٹ نے بھی امریکا کے لیے بُک کی گئی ڈاک بھیجنا بند کر دی ہے کیوں کہ خدشہ ہے کہ نئی امریکی پالیسی کے تحت یہ ڈاک واپس کر دی جائے گی۔دنیا کے بڑے ممالک چین، برطانیہ، جاپان، آسٹریا، آسٹریلیا، نیوزی لینڈ، بھارت، جرمنی، فرانس، روس اور سنگاپور نے بھی عارضی طور پر امریکا کو ڈاک بھیجنا بند کر دی ہے کیوں کہ ایئرلائنز نے بھی ڈاک پہنچانے سے معذرت کر لی ہے۔
