پی آئی اے کی پیرس پرواز کے دوران ایک مسافر نے سگریٹ پینے سے منع کرنے پر ایئرہوسٹس پر حملہ کردیا فرانسیسی پولیس نے مسافر کو گرفتار کرلیا۔پی آئی اے کی اسلام آباد سے پیرس کی پرواز پی کے 749 پر ایک مسافر نے خلاف قانون تمباکو نوشی کرنے کی کوشش کی۔خاتون فضائی عملے کی جانب سے منع کرنے کے باوجود مسافر نے تمباکو نوشی بند نہ کی اور بدتمیزی کی۔عملے اور کپتان کے اصرار کرنے پر مسافر نے خاتون فضائی میزبان کا بازو پکڑ کر مروڑا اور کمر پر مکہ مارا جس سے وہ زخمی ہوگئیں۔ترجمان قومی ایئرلائن کا کہنا ہے کہ مسافر نے فلائٹ اسٹیورڈ سے بھی ہاتھا پائی کی مسافر نے فلائیٹ اسٹورٹ اور کپتان پر بھی حملہ کیا مگر انہوں نے محوظ رہ کر مسافر سے سگریٹ چھین لی پیرس ایئرپورٹ پر کپتان نے ایئر ٹریفک کنٹرولر سے رابطہ کیا پرواز لینڈ ہوئی تو سیکیورٹی اہلکاروں نے مسافر کو گرفتار کر لیا۔ترجمان پی آئی اے نے بتایا کہ فرانسیسی قوانین اس معاملے میں بہت سخت ہیں اور امید ہے کہ مسافر سے کسی قسم کی رعایت نہیں برتی جائے گی مسافر کو پی آئی اے پر بلیک لسٹ کردیا گیا اور اب وہ دوبارہ قومی ایئرلائن پر سفر نہیں کرسکیں گے۔
