بھارتی میڈیا کے مطابق آئی سی سی چیمپئنز ٹرافی 2025 کے فائنل میں بھارت اور نیوزی لینڈ کی ٹیمیں کے مقابلے پرپانچ ہزار کروڑ روپے تک کی سٹے بازی کی جا چکی ہے۔بھارتی میڈیا کے مطابق بین الاقوامی بیٹنگ مارکیٹ میں بھارت کو فیورٹ قرار دیا جا رہا ہے جبکہ سٹے بازی میں ملوث کئی بڑے بک میکرز کا تعلق انڈرورلڈ سے بتایا جا رہا ہے۔چیمپئنز ٹرافی کے دوران دہلی پولیس کی کرائم برانچ نے کم از کم پانچ بڑے بک میکرز کو گرفتار کیا ہے۔ تحقیقات کے دوران سٹے بازی میں دبئی کے کردار کا انکشاف ہوا ہے جبکہ پولیس نے کئی الیکٹرانک ڈیوائسز اور بیٹنگ میں استعمال ہونے والے آلات بھی برآمد کیے. رپورٹ میں دعویٰ کیا گیا ہے کہ بدنامِ زمانہ ڈی کمپنی کا بھی دبئی میں ہونے والے بڑے کرکٹ میچز کی سٹے بازی میں عمل دخل ہے۔ اطلاعات کے مطابق کئی نامور بک میکرز دبئی میں موجود ہیں جہاں بھارت کے تمام اہم میچز منعقد کیے گئے ہیں ۔ 
