اوپن اے آئی نےاے آئی تصاویر پر واٹر مارک لگانے پر غور شروع کر دیا ہے۔ یہ انکشاف اے آئی محقق ٹیبر بلاہو نے کیا، جنہوں نے اے آئی کے کوڈ میں کچھ ایسی معلومات دریافت کیں جن سے پتہ چلا کہ واٹر مارک کی خصوصیت خاص طور پر ان صارفین کے لیے ہوگی جو فری اکاؤنٹ استعمال کر رہے ہیں۔معلوم ہوا ہے کہ جن صارفین کے پاس چیٹ جی پی ٹی پلس یا پرو سبسکرپشن نہیں ہوگی ان کی تخلیق کردہ تصاویر پر واٹر مارک لگا ہوگا۔ جبکہ پریمیم سبسکرپشن رکھنے والے صارفین کو اس پابندی کا سامنا نہیں ہوگا جس سے یہ رجحان زیادہ صارفین کو پریمیم سبسکرپشن کی طرف راغب کرنے کا باعث بن سکتا ہے۔اوپن اے آئی نے پہلے بھی اپنےاے آئی کی تخلیق کردہ مواد پر واٹر مارک لگانے کی تجویز دی تھی۔ اے آئی کی ترقی کے ساتھ ساتھ واٹر مارک لگانے کا مقصد ڈیپ فیک اور فراڈ جیسے مسائل سے نمٹنا ہے۔ موجودہ چیلنج یہ ہے کہ اے آئی کے استعمال میں رسائی اور کاپی رائٹ کے تحفظ کے درمیان توازن پیدا کیا جائے۔واٹر مارکنگ کا نظام اب اے آئی کے میدان میں ایک ابھرتا ہوا معیار بن رہا ہے اور اس کے ذریعے ان تصاویر کی تخلیق کی شناخت ممکن ہو سکے گی جو اصل میں مصنوعی ذہانت کے ذریعے تیار کی گئی ہیں۔ اس فیصلے کا مقصد نہ صرف قانونی مسائل کو حل کرنا ہے بلکہ یہ اس بات کو یقینی بنانا ہے کہ اے آئی کی تخلیقات کی شہرت اور مقبولیت کے باوجود، تخلیق کاروں کے حقوق کی حفاظت کی جا سکے۔
