کراچی کے علاقے کورنگی میں پولیس اہلکاروں کو ملزمان کے تعاقب کے دوران دکان میں چھپنے پر معطل کردیا گیا جبکہ محکمانہ کارروائی کا بھی آغاز کردیا گیا ہے۔ واقعے کی سی سی ٹی وی ویڈیو منظر عام پر آگئی ہے۔واقعہ 31 مارچ کو کورنگی صنعتی ایریا میں پیش آیا جہاں دو ملزمان کا پولیس اہلکار تعاقب کر رہے تھے۔ اس دوران ملزمان نے فائرنگ کردی تو ایک پولیس اہلکار بھاگ کر قریبی دکان میں رکھے ایک ڈرم میں چھپ گیا۔واقعے کے بعد اعلیٰ پولیس حکام نے دونوں اہلکاروں کو معطل کرکے ان کے خلاف محکمانہ کارروائی کا آغاز کردیا.حکام کا کہنا ہے کہ اہلکار کا طرز عمل انتہائی غیر ذمے دارانہ اور غیر پیشہ ورانہ تھا۔ انکوائری رپورٹ کی روشنی میں اگر ضرورت محسوس کی گئی تو دونوں کے خلاف مقدمہ بھی درج کیا جاسکتا ہے.
