کراچی پولیس چیف جاوید عالم اوڈھو کا کہنا تھا کہ کسی نے ریاست کی رٹ کے نفاذ میں مزاحمت کی تو سختی سے نمٹیں گےکراچی کے شہریوں کو ریلیف دیں گے تین دن سے انہوں نے بہت بھگتا ہے۔انہوں نے کہا کہ کہا ہے کہ دھرنے والوں سے بات ہوگئی ہے کوشش ہے کہ آج رات تک دھرنے ختم کرادیے جائیں جو سڑکوں سے نہیں ہٹے گا تو پھر قانون کے مطابق اسے ہٹائیں گے۔کراچی میں تقریب سے خطاب کے بعد صحافیوں سے گفتگو کرتے ہوئے ایڈیشنل آئی جی کراچی جاوید عالم اوڈھو نے کہا کہ احتجاج کے نام پر پورے شہر کو بند کرنا مناسب بات نہیں. کراچی کے شہریوں کو پریشانی کا سامنا کرنا پڑ رہا ہے۔ایڈیشنل آئی جی کراچی نے کہا کہ اگر کسی نے روڈ بند کیا ہے تو اس کو شام تک کلیئر کردیں گے ہم یہ واضع پیغام دیتے ہیں کہ ہمیں ہدایات ملی ہیں۔ ہم رات تک ان سے مذاکرات کرتے رہے ہیں۔ مذہبی جماعت کے علماء نے بھی کہا ہے کہ سڑک بند نہیں ہونی چاہیے۔
