سکھوں کی عالمی تنظیم سِکھ فار جسٹس نے گرو نانک سکھ گوردوارہ ٹیمپل کے تعاون سے کینیڈا کے شہر سرے میں خالصتان ایمبیسی قائم کر دی۔ سکھوں کی عالمی تنظیم کی جانب سے یہ اقدام ایسے وقت میں سامنے آیا ہے جب بھارت اور کینیڈا 2023ء میں ہرپال سنگھ نجّار کے قتل کے بعد پیدا ہونے والے سفارتی تعطل کو ختم کرنے کی کوشش کر رہے ہیں۔بھارتی میڈیا رپورٹس کے مطابق سکھ کمیونٹی کے عالمی پلیٹ فارم سِکھ فار جسٹس ج کی قیادت میں کینیڈین شہر سرے میں ریپبلک آف خالصتان کا علامتی سفارتخانہ قائم کیا گیا ہے۔غیر ملکی میڈیا رپورٹس کے مطابق کینیڈا میں مقیم سکھ کمیونٹی کے رہنماؤں کا اس معاملے سے متعلق کہنا ہے کہ یہ اقدام خالصتان ریفرنڈم کی تیاریوں کا حصہ ہے اور سکھ عوام کی خودارادیت کے حق کو اُجاگر کرتا ہے۔
