بھارت کی پاکستان کے خلاف جارحیت انڈین پریمیئر لیگ کو بھی ڈبونے لگی۔رپورٹس کے مطابق بورڈ آف کنٹرول فار کرکٹ ان انڈیا نے ہنگامی اجلاس طلب کر لیا ہے تاکہ موجودہ صورتحال اور غیر ملکی کھلاڑیوں کی سیکیورٹی کے حوالے سے اقدامات پر غور کیا جائے۔بھارتی میڈیا رپورٹس کے مطابق دھرمشالہ میں پنجاب کنگز اور دلی کیپٹل کا میچ کھیلا جا رہا تھا اور پنجاب کنگز کی بیٹنگ جاری تھی کہ اچانک 11 ویں اوورز میں میچ روک دیا گیا۔پہلے فلڈ لائٹس کی خرابی کا بہانہ بنایا گیا پھر میچ ختم کردیا گیا اور اس دوران تماشائیوں کی بڑی تعداد بھی گراؤنڈ میں موجود تھی جسے فوری خالی کروایا گیا.دوسری جانب بھارتی میڈیا رپورٹس میں بتایا گیا کہ دھرم شالہ کے ایچ پی سی اے اسٹیڈیم میں کنگز الیون پنجاب اور دہلی کیپیٹلز کے درمیان شیڈول میچ سیکیورٹی خدشات اور مقامی بلیک آؤٹ کے باعث منسوخ کر دیا گیا۔بھارتی میڈیا نے دعویٰ کیا کہ بھارت کے کئی شہروں بشمول دھرم شالہ، میں پروازوں کی بندش اور سیکیورٹی خدشات نے آئی پی ایل کے شیڈول کو شدید متاثر کیا ہے اور بی سی سی آئی غیر ملکی کھلاڑیوں کی وطن واپسی کے انتظامات اور ٹورنامنٹ کے مستقبل پر غور کر رہا ہے۔
