جرمنی کے شہر میونخ میں گفتگو کرتے ہوئے بلاول بھٹو نے کہا کہ آج پاکستان کا نوجوان مایوس ہے تو اس میں بانی پاکستان تحریک انصاف عمران خان کا کردار ہے عمران خان کی سیاست سے پاکستان کو پاک کرنا ہوگا۔بلاول کا کہنا تھا کہ بانی پی ٹی آئی عمران خان سے جمہوری کردار کی امید نہیں ہمیں یہ فیصلہ کرنا ہوگا کہ ملک کیسے چلانا ہے۔مقامی صحافی شمس الحق قدوس اور میڈیاسے بات کرتے ہوئے بلاول بھٹو زرداری کا کہنا تھا کہ چیئرمین پیپلزپارٹی نے کہا کابل میں نئی حکومت کےبعدسے ماحول تبدیل ہوا اور دہشتگردی کے واقعات بڑھے ہیں دہشت گردی پر قابو پانے کے لیے ہمیں اتفاق رائے پیداکرنےکی ضرورت ہے۔ انہوں نے کہا کہ فرانس میں اے آئی کانفرنس ہوئی جہاں دنیا نے ٹیکنالوجی پر بات کی، پاکستان کہاں تھا ہم اپنے نوجوانوں کو ڈیجیٹل دور کے لیے تیار نہیں کررہے۔
