اسلام آباد ہائیکورٹ نے عدالتی حکم کے باوجود بانی پاکستان تحریک انصاف عمران خان کی اہلیہ بشریٰ بی بی سے ملاقات نہ ا کروانے پر توہین عدالت کی درخواست پر 27 فروری کو سپرنٹنڈنٹ اڈیالہ جیل کو ذاتی حیثیت میں طلب کر لیا۔اسلام آباد ہائیکورٹ میں قائم مقام چیف جسٹس سرفراز ڈوگر نے کیس کی سماعت کی. عمران خان کے وکیل فیصل فرید چوہدری موقف اختیار کیا کہ عمران خان سے ملاقات کے حوالے سے عدالت کے حکم پر ابھی تک عمل نہیں ہوا 28 جنوری کو جیل سپرنٹنڈنٹ نے عدالت میں عمران خان کی بشریٰ بی بی سے ملاقات کا بیان دیا تھا جیل سپرنٹنڈنٹ کے بیان کے باوجود ملاقات نہیں کرائی جا رہی۔عدالت نے اسٹیٹ کونسل کو ہدایت کرتے ہوئے ریمارکس دیے کہ عدالت کے حکم پر کیوں عمل نہیں ہوا لا افسر اس آرڈر پر عمل درآمد یقینی بنوائی.عدالت نے سپرنٹنڈنٹ اڈیالہ جیل کو ذاتی حیثیت میں طلب کرتے ہوئے سماعت 27 فروری تک ملتوی کردی۔واضح رہے کہ عدالتی احکامات کے باوجود بشریٰ بی بی سے جیل میں ملاقات نہ کرانے پر عمران خان نے 8 فروری کو سپرنٹنڈنٹ اڈیالہ جیل کے خلاف توہین عدالت کی درخواست دائر کی تھی۔
