اسکردو میں لینڈ سلائیڈنگ کے دو مختلف واقعات میں ایک غیرملکی سیاح خاتون ہلاک جبکہ دوغیرملکی سیاح سمیت 3 افراد زخمی ہوگئے۔گلگت بلتستان کے ضلع اسکردو میں غواڑی کے مقام ہونے والی لینڈ سلائیڈنگ کے نتیجے میں تھائی لینڈ سے تعلق رکھنے والی ایک غیر ملکی خاتون سیاح جاں بحق ہو گئیں۔چھاماچھو کے مقام پر بھی لینڈ سلائیڈنگ کی اطلاعات ملی ہیں، تاہم وہاں کسی جانی نقصان کی تصدیق نہیں ہو سکی۔ایک اور واقعہ میں لینڈ سلائڈنگ کے باعث 2 غیر ملکیوں سمیت 3 افراد زخمی ہوئے۔ گاڑی میں سوار 2 غیرملکی سیاح اور ڈرائیور شامل تھے۔ امدادی ٹیمیں موقع پر پہنچ کر زخمیوں کو قریبی اسپتال منتقل کر دیا .انتظامیہ نے سیاحوں اور مقامی افراد کو پہاڑی علاقوں میں غیر ضروری سفر سے گریز کرنے اور احتیاط برتنے کی ہدایت کی ہے کیونکہ مسلسل بارشوں کے باعث مزید لینڈ سلائیڈنگ کا خدشہ ظاہر کیا جا رہا ہے۔
