افغانستان میں طالبان حکام نے خواتین کے واحد ریڈیو اسٹیشن ریڈیو بیگم کے دفتر پر چھاپہ مار کر 2 ملازمین کو گرفتار کر لیا، نشریات بھی معطل کردی گئیں۔نشریات کی معطلی کا سامنا کرنے والے ریڈیو اسٹیشن کا کہنا ہے کہ طالبان حکام نے دفتر کی تلاشی لیتے ہوئے عملے کو روک لیا، کمپیوٹر، ہارڈ ڈرائیوز، فون ضبط کر لیے اور 2 مرد ملازمین کو حراست میں لے لیا، جو کسی اعلیٰ انتظامی عہدے پر فائز نہیں ہیں۔نشریات معطل کرنے کی تصدیق کرتے ہوئے سوشل میڈیا سائٹ ایکس پر ایک بیان میں طالبان کی وزارت اطلاعات نے کہا کہ ریڈیو اسٹیشن کی ٹرانسمیشن کو معطل کر دیا گیا ہے۔شریاتی ادارے کی جانب سے جاری بیان میں کہا گیا ہے کہ جنرل ڈائریکٹوریٹ آف انٹیلی جنس ے افسران نے وزارت اطلاعات و ثقافت کے نمائندوں کی مدد سے کابل میںریڈیو بیگم کے کمپاؤنڈ پر چھاپہ مارا۔ریڈیو بیگم کی جانب سے بیان میں کہا گیا ہے کہ وہ حراست میں لیے گئے ملازمین کی سکیورٹی کے خدشے کے پیش نظر مزید کوئی تبصرہ نہیں کریں گے
