لاہور کے قذافی اسٹیڈیم میں افغانستان کے ابراہیم زادران نے چیمپئنز ٹرافی کا سب سے بڑا انفرادی اسکور بنا کر نئی تاریخ رقم کردی ہے. انہوں نے انگلینڈ کے خلاف بیٹنگ کرتے ہوئے 177 رنز کی شاندار اننگز کھیلی جو 146 گیندوں پر مشتمل تھی جس میں 12 چوکے اور 6 چھکے شامل تھے۔اس شاندار اننگز کے دوران زادران نے شاندار کھیل لا مظاہرہ کرتے ہوئے افغانستان کا اسکور 50 اوورز میں 7 وکٹوں پر 325 تک پہنچا دیا جو افغانستان کا کسی بھی آئی سی سی ون ڈے ٹورنامنٹ میں سب سے بڑا اسکور ہے. اس طرح ابراہم زادران چیمپئنز ٹرافی میں سب سے زیادہ رنز بنانے والے کھلاڑی بن گئے ہیں انہوں نے ناتھن ایسٹل، بین ڈکٹ، سارو گنگولی اور اینڈی فلاور جیسے لیجنڈ کھلاڑیوں کو بھی پیچھے چھوڑ دیا۔ قبل ازیں بین ڈکٹ نے رواں چیمپئنز ٹرافی میں آسٹریلیا کیخلاف 165 رنز بنائے تھے ناتھن ایسٹل نے 2004 میں امریکا کیخلاف 145 رنز ناٹ آؤٹ بنائے تھے۔جبکہ زمبابوے کے سابق کپتان اینڈی فلاور نے 2002 میں بھارت کیخلاف 145 رنز بنائے تھے اسی طرح سابق بھارتی بلے باز سارو گنگولی نے 2000 میں جنوبی افریقا کیخلاف 141 رنز بنائے تھے۔افغان بیٹر ابراہیم زادران نے 2022 میں سری لنکا کے خلاف اپنے ہی 162 رنز کا ریکارڈ بھی توڑ دیا 
