امریکا میں ایک اور مسافرطیارہ حادثے سے بال بال بچ گیا

امریکی شہر ہیوسٹن میں مسافر طیارے میں ٹیک آف سے قبل خوفناک آتشزدگی پر ٹیک آف سے روک دیا گیا۔ تفصیالت کے مطابق ہیوسٹن میں طیارے کے انجن میں آگ لگنے پر ٹیک آف سے روک دیا گیا۔ طیارے میں موجود مسافروں میں خوف وہراس پھیل گیا۔ کوئی زخمی نہیں ہوا۔ یو ایس فیڈرل ایوی ایشن ایڈمنسٹریشن واقعے کی تحقیقات شروع کردی ہے.طیارے میں 104 مسافر اورعملے کے پانچ ارکان سوارتھے۔ پرواز کو نیویارک روانہ ہونا تھا.جبکہ واشنگٹن کے فضائی حادثے میں 67 ہلاک افراد میں سے ڈی سی فائرچیف کے مطابق 55 لاشوں کی شناخت ہوگئی۔ دریا سے مزید لاشوں کی باقیات نکالنے کیلئے سرچ آپریشن تاحال جاری ہے۔ دوسری جانب متاثرہ خاندانوں کو جائے حادثہ کا دورہ کرایا گیا۔