امریکی پولیس نے جنوبی کیلیفورنیا کے گودام سے چوری ہونے والی 30 ہزار امریکی ڈالرز مالیت کی لابوبو گڑیا برآمد کر لی ہے جسے 2 کم عمر افراد دوبارہ فروخت کرنے کا منصوبہ بنا رہے تھے۔پولیس کا کہنا ہے کہ جنوبی کیلیفورنیا کے گودام سے چوری شدہ لابوبو کو جن 2 کم عمر افراد نے دوبارہ فروخت کرنے کا منصوبہ بنایا ان کی شناخت اسی گودام کے کارکن کے طور پر ہوئی ہے۔واضح رہے کہ لاس اینجلس کی ایک دکان سے چوروں نے 30 ہزار ڈالرز مالیت کی گڑیا لے اُڑے تھے۔خیال رہے کہ لابوبو ڈول دنیا بھر میں اپنی بدصورتی کے سبب خاصی شہرت رکھتی ہے.گزشتہ کچھ عرصے سے امریکا میں لابوبو کی چوری کا سلسلہ جاری ہے.چینو پولیس ڈیپارٹمنٹ نے سوشل میڈیا پوسٹ میں کہا ہے کہ گزشتہ چند دنوں کے دوران متعدد بار لابوبوس کی چوری کی شکایت موصول ہوئی ہیں۔
