امریکا نے پاکستان میں سفر پر اپنے شہریوں کے لیے ٹریول ایڈوائزری جاری کرتے ہوئے امریکی شہریوں کو پاکستان کےسفرپر نظرثانی کرنےکی ہدایت کی گئی ہے۔ٹریول ایڈوائزری امریکی محکمہ خارجہ کے بیورو آف قونصلر افیئرز نے جاری کی ہے۔ایڈوائزری میں کہا گیا ہےکہ امریکی شہری خاص طور پر خیبرپختونخوا اور بلوچستان کے سفر سےگریز کریں۔ایڈوائزری کے مطابق دہشت گردی میں شہریوں، فوج اور پولیس کو اندھادھندحملوں کا نشانہ بنایا جاچکا ہے دہشت گرد ماضی میں امریکی سفارت کاروں اور سفارتی مقامات کو نشانہ بناچکے ہیں۔ایڈوائزری کے مطابق بلوچستان اور خیرپختونخوا میں دہشت گرد حملے معمول ہیں پاکستان میں بلا اجازت احتجاج کی اجازت نہیں ہے پاکستان میں احتجاج کے قریب پائے جانے پر تفتیش کا سامنا ہوسکتا ہے۔ایڈوائزری میں کہا گیا ہےکہ امریکی شہریوں کو مظاہروں میں حصہ لینے پر حراست میں لیا جاچکا ہے امریکی شہریوں کوپاکستانی حکومت اور فوج کےخلاف پوسٹ کرنے پر بھی حراست میں لیا جاچکا ہے۔
