سپرنٹنڈنٹ اڈیالہ جیل نے بانی پی ٹی آئی عمران خان کی میڈیکل رپورٹ عدالت میں پیش کردی.انسداددہشت گردی عدالت راولپنڈی میں بانی پی ٹی آئی کے طبی معائنےکے لیے علیمہ خان کی درخواست پر سماعت ہوئی۔جیل انتظامیہ کی رپورٹ میں بانی پی ٹی آئی کی 2 سال پر محیط میڈیکل ہسٹری شامل ہے۔جیل انتظامیہ کی رپورٹ کے مطابق جیل اسپتال کی جانب سے تمام تجویز کردہ علاج اور ادویات بروقت فراہم کی جاتی ہیں 12 اگست کو بانی پی ٹی آئی کا 4 رکنی ڈاکٹروں کی ٹیم نے طبی معائنہ کیا تھا۔جیل انتظامیہ کی رپورٹ کے مطابق بانی پی ٹی آئی کا ڈاکٹروں کی نگرانی میں علاج جاری ہے بانی پی ٹی آئی کو دانتوں، کان، ناک، گلے، آنکھوں اور ہڈیوں سمیت کئی طبی شکایات رہی ہیں۔رپورٹ کے مطابق ماہرین امراض چشم، آرتھوپیڈک سرجن اور ای این ٹی ماہرین نے متعدد بار معائنہ اور علاج کیا۔جیل انتظامیہ کی رپورٹ میں بتایا گیا ہےکہ بانی پی ٹی آئی کی کولیسٹرول کی سطح بڑھی تھی، بانی پی ٹی آئی کا کولیسٹرول کی سطح بڑھنےکا علاج جاری ہے۔
