تھائی لینڈ میں ہونے والے یوتھ ورلڈ بینٹم ویٹ ٹائٹل کے مقابلے میں سمیر خان نے بھارتی حریف بنٹی سنگھ کو شکست دیکر ٹائٹل اپنے نام کرلیا .52 کلوگرام کیٹیگری کے مقابلے میں سمیر خان شروع سے ہی بھارتی کھلاڑی پر حاوی رہے مقابلے کے آغاز سے قبل پاکستانی باکسر نے زیرو۔سکس کا اشارہ کیا تو بنٹی سنگھ نے پاکستانی باکسر کو دھکا دے دیا۔پاکستانی نوجوان باکسر سمیر خان نے یو بی او یوتھ ورلڈ بینٹم ویٹ چیمپئن شپ جیت کر پاکستان کو پہلی بار ٹائٹل دلوا دیا انہوں نے بھارتی حریف بنٹی سنگھ کو ناک آؤٹ کر کے ٹائٹل اپنے نام کیا۔بھارتی حریف کو شکست دینے کے بعد سمیر خان کا کہنا تھا میں آج کی جیت پوری پاکستانی قوم، پاک فوج اور تمام شہیدوں کے نام کرتا ہوں۔
